غالب انسٹی ٹیوٹ، سوسائٹی فار کمیونل ہارمونی اور آنند کتب کے ذریعے ڈرامہ بیان غالب کا انعقاد

نئی دہلی، 13 جون (یو این آئی ) غالب انسٹی ٹیوٹ کی ذیلی شاخ ہم سب ڈرامہ گروپ، سوسائٹی فار کمیونل ہارمونی اور آنند کٹھب نے ڈرامہ بیان غالب کا ایوان غالب میں انعقاد کیا اس موقع پر غالب انسٹی ٹیوٹ کے سکریٹری پروفیسر صدیق الرحمن قدوائی نے کہا کہ غالب عجب پر سرار فنکار ہے انھیں ہر بات کی جستجو ہے سوال قائم کرتے ہیں اور پوری وضاحت سے سوال کا جواب بھی نہیں دیتے بلکہ کچھ کہہ کے بہت کچھ



سوچنے کے لیے چھوڑ دیتے ہیں۔ آج کی یہ شام میرے لیے بہت یاد گار ثابت ہو گی۔

ڈرامہ شروع ہونے سے قبل محترمہ سیدہ سیدین حمید نے تعارفی کلمات پیش کرتے ہوئے کہا غالب انسٹی ٹیوٹ کی خدمات سے ہم سب واقف ہیں یہ ادارہ علم و ثقافت کے میدان میں نمایاں خدمات انجام دیتا رہتا ہے۔ سوسائٹی فار کمیونل ہار مونی اور آنند کٹب یہ دونوں بھی فعال گروپس ہیں اور جہاں بھی انھوں نے پرو گرام کیے لوگوں کا دل جیت لیا ہے۔