وطن کو تکنا لوجی شعبہ میں آگے بڑھانے کا ہدف: ڈاکٹر نشنک

نئی دہلی، 2نومبر (یو این آئی) تعلیم کے مرکزی وزیر رمیش پوکھریال نشنک نے تحقیق اور ترقی کی سمت میں کئے گئے کاموں کا ذکر کرتے ہوئے پیر کو کہا کہ ہندستان ہمیشہ سے علم، سائنس اور تکنا لوجی کے شعبہ میں آگے بڑھنے کی کوشش کرتا رہے گا ہلہڈاکٹر نشنک نے این آئی ٹی سلچر کے 18ویں سالانہ کنووکیشن میں کہاکہ کہ تحقیق اور ترقی کسی بھی ترقی پذیر ملک کے مضبوط ستون ہیں۔ این آئی ٹی سلچر ہمیشہ سے اس سمت میں تعاون کرتا رہا ہے اور اس کے



56مختلف قومی اور بین الاقوامی پروجیکٹ اس بات کے ثبوت ہیں۔ اس کے علاوہ اس ادارہ نے سائر فزیکل سسٹم مشن پر مبنی ایک تکنالوجی انوویشن ہب بھی بنایا ہے۔

انہوں نے قومی تعلیمی۔2020 کے بارے میں کہاکہ اس دنیا میں گلوبل مائنڈ سیٹ کے ساتھ ہماری یہ پالیسی انڈین، انٹرنیشنل، امپیکٹ فل، انٹر ایکٹیو اور انکلوسیوٹی کے عوامل کو ایک ساتھ شامل کرتی ہے جو ہمارے طلبا کے لئے فائدہ مند ثابت ہوں گے اور ہماری ’اسٹڈی ان انڈیا‘ پہل کو رفتار دے گی۔