نوجوان ملک کی سب سے بڑی طاقت ہیں: شاہ

نئی دہلی، 12 اگست (یو این آئی) مرکزی وزیر دفاع امت شاہ نے کہا ہے کہ وہ نوجوان ملک کی سب سے بڑی طاقت ہوتے ہیں اور ہندوستان خوش قسمت ہے کہ اس کے پاس قابلیت سے بھر پور نوجوان طاقت ہے۔

نوجوانوں کے بین الاقوامی دن کے موقع پر نیک خواہشات پیش کرتے ہوئے مسٹر شاہ نے آج ٹوئٹ کیا ’’کسی ملک کی سب سے بڑی طاقت اس کے نوجوان ہوتے ہیں۔ ہندوستان حقیقت میں بہت ہی خوش قسمت ملک ہے جس کے پاس قابلیت اور مہارت سے بھرپور اتنی متحرک نوجوان طاقت ہے۔ مجھے اپنی نوجوان طاقت پر پورا یقین ہے کہ وہ وزیراعظم مودی جی کے نیو انڈیا کے



خواب کو حقیقت کا جامہ پہنانے کے لئے مسلسل کوششیں کرتے رہیں گے‘‘۔

انہوں نے کہا ’’اسکلڈ اور پرجوش نوجوانوں میں مواقع کا سب سے زیادہ فائدہ اٹھانے کی صلاحیت ہوتی ہے‘‘۔ اس لئے نریندر مودی کی حکومت اسکل انڈیا، اسٹارٹ اپ انڈیا، میک ان انڈیا اور نئے تعلیمی نظام جیسے اپنے بے مثال فیصلوں سے مسلسل ایک ایسا ایکو سسٹم تیار کررہی ہے جس میں ہمارے نوجوانوں کی بے پناہ صلاحیت مزید نکھر سکے‘‘۔

پوری دنیا میں 12 اگست کا دن بین الاقوامی نوجوانوں کے دن کے طور پر منایا جاتا ہے۔ اس کا انعقاد پہلی بار سال 2000 میں کیا گیا تھا۔