یوگی کا ریاست میں مکمل لاک ڈاون سے انکار

لکھنو، 19اپریل (یو این آئی) الہ آباد ہائی کورٹ کی ریاست کے پانچ شہر لکھنو، کانپور، پریاگ راج، وارانسی اور گورکھپور میں آج سے 26 اپریل تک مکمل لاک ڈاون کی ہدایت کے باوجود وزیراعلی یوگی آدتیہ ناتھ فی الحال مکمل لاک ڈاون کے حق میں نہیں ہیں۔

ہائی کورٹ کے حکم کے باوجود پیر کو ٹیم۔11کے ساتھ جائزہ میٹنگ میں وزیراعلی نے اس کا اشارہ دیا۔ یوگی آدتیہ ناتھ کی



ہدایت ہے کہ آکسیجن کی دستیابی میں اضافہ کے ساتھ کووڈ پروٹوکول کی خلاف ورزی کرنے والوں کے ساتھ سختی کریں، انہوں نے صاف کردیا کہ اترپردیش میں مکمل لاک ڈاون نہیں لگے گا۔

روزانہ انفیکشن کے نئے کیسوں میں ریکارڈ اضافہ کے مد نظر امید تھی کہ دہلی کی طرح اترپردیش میں بھی لاک ڈان لگ سکتا ہے مگر یوگی آدتیہ ناتھ نے صاف کردیا ہے کہ یو پی میں مکمل لاک ڈاون نہیں لگے گا۔