پریس کی آزادی کا ہم نے احترام کیا ہے: جاوڈیکر

نئی دہلی، 3مئی (یو این آئی) اطلاعات و نشریات کے مرکزی وزیر پرکاش جاوڈیکر نے کہاکہ ہندستانی آئین نے پریس کی آزادی کو بنیادی حقوق کے زمرہ میں رکھا ہے جس کا ہم نے احترام کیا ہے۔

مسٹر جاوڈیکر نے پیر کو ورلڈ پریس فریڈ م ڈے کے موقع پر اپنے ٹوئٹ پیغام میں کہاکہ صرف ایمرجنسی کے دوران کانگریس کے راج میں پریس کی آزادی پر لگام لگانے کی کوشش کی گئی تھی۔ پریس کی



آزادی ہمیشہ قائم رہے۔

خیال رہے کہ 1991میں میں یونیسکو اور اقوام متحدہ کے ’پبلک انفارمیشن ڈیپارٹمنٹ‘ نے متحد ہوکر صحافت یوم آزادی منانے کا فیصلہ کیا تھا۔ اقوام متحدہ جنرل اسمبلی نے تین مئی کو اس دن کا اعلان کیا تھا۔ 1993میں یونیسکو جنرل اسمبلی کے 26ویں اجلاس میں اس سے متعلق تجویز کو منظور کیا گیا تھا اور تب سے لیکر اب تک ہر برس تین مئی کو یہ دن منایا جاتا ہے۔