سندرراجن نے دی دو مشیروں پر بھاری اخراجات کی جانچ کی ہدایت

پڈوچیری ، 12 جون (یو این آئی) مرکز کے زیر انتظام علاقہ پڈوچیری کی لیفٹیننٹ گورنر ڈاکٹر تاملیسائی سندرراجن نے اپنے دو مشیروں پر گذشتہ دو ماہ میں ہونے والے بھاری اخراجات کی جانچ کرنے کی ہدایت دی ہے ۔

راج بھون کی طرف سے ہفتے کو جاری ایک پریس ریلیز میں کہا گیا ہے کہ محترمہ سندرراجن نے جمعہ کی شب چیف سکریٹری اشونی کمار کو مکتوب ارسال کر



کے اس سلسلے میں تفصیلی رپورٹ دینے کو کہا گیا ہے۔

واضح رہے کہ راجیو گاندھی ہیومن رائٹس فورم کے مسٹر رگھوپتی کو حق اطلاعات قانون (آر ٹی آئی) کے ذریعہ اطلاع موصول ہوئی ہے کہ گذشتہ دو ماہ کے دوران لیفٹیننٹ گورنر کے مشیروں ڈاکٹر سی چندرومولی اور ڈاکٹر اے پی مہیشوری کی تنخواہ ، گاڑیوں اور فرنیچر کی مرمت اور خریداری کے لئے 24.05 لاکھ روپے خرچ کئے گئے ہیں ۔