حیدرآباد 30دسمبر(یواین آئی)مرکزی مملکتی وزیر داخلہ کشن ریڈی نے کہا ہے کہ شہریت ترمیمی ایکٹ کسی بھی ہندوستانی شہری کے خلاف نہیں ہے، تاہم کانگریس اس پر سیاست کررہی ہے۔
کشن ریڈی نے ریمارک کیا کہ کانگریس پارٹی ترقی کو روکنے کے لئے سی اے اے کا غلط استعمال کررہی ہے۔
انھوں نے حیدرآباد
میں بی جے پی کی جانب سے موافق شہریت ترمیمی ایکٹ کی مہم کے موقع پر میڈیا سے بات کرتے ہوئے سوال کیا کہ کانگریس نے اُس وقت 2015ء میں احتجاج کیوں نہیں کیا، جب لوک سبھا میں سی اے اے کی منظوری دی گئی تھی؟ کشن ریڈی نے وضاحت کی کہ سی اے اے میں ایک بھی لفظ ہندوستانی مسلمانوں یا پھر دوسرے مذاہب کے خلاف نہیں ہے۔