گڈ کری کا فولاد اور سیمنٹ کے استعمال میں کمی لانے پر زور

نئی دہلی، 9 جولائی (یواین آئی) سڑک ٹرانسپورٹ اور شاہراہوں کے مرکزی وزیر مسٹر نتن گڈکری نے کہا ہے کہ اختراع اور تحقیق کے ذریعہ کوالٹی سے کسی طرح کا کوئی سمجھوتہ کئے بغیر سڑک کی تعمیر میں فولاد اور سیمنٹ کے استعمال میں کمی لائی جانی چاہئے۔ہندوستان میں سڑک کی ترقی پر 16 ویں سالانہ کانفرنس سے خطاب کرتے ہوئے انہوں نے کہا کہ سڑک آلات کی مشینری کیلئے سی این جی ،ایل این جی اور ایتھا نول کا استعمال کیا جانا



چاہئے۔وزیر موصوف نے درآمد متبادل ،کفائیتی آلودگی سے پاک اور دیسی طریقہ کار کے علاوہ متبادل ایندھن کی ترقی پر زور دیا۔

مسٹر گڈ کری نے کہا کہ ہندوستان میں تقریباً 63 لاکھ کلو میٹر سڑک نیٹورک کے ساتھ دنیا کا دوسرا سب سے بڑا سڑک نیٹورک ہے۔ انہوں نے کہا کہ سڑک کا بنیادی ڈھانچہ معاشی ترقی میں ایک کلیدی رول ادا کرتا ہے کیونکہ 70 فیصد سامان اور تقریباً90 فیصد مسافر ٹریفک آمد ورفت کیلئے سڑکوں کا استعمال کرتے ہیں۔