واشنگٹن/15مئی(ایجنسی) امریکی صدر ڈونالڈ ٹرمپ کی بیوی melania میلینیا ٹرمپ کا کل گردے کا کامیاب آپریشن کیا گیا ۔ مسز ٹرمپ کے آفس نے اس سلسلے میں معلومات فراہم کی ۔
مسز ٹرمپ کے آفس کے ترجمان اسٹیفنی گریشم نے اپنے بیان میں کہا کہ
48 سالہ مسز ٹرمپ کے گردے سےمتعلق علاج کے لئے آپریشن کیا گیا ۔ مسز ٹرمپ کو گردہ کے اس چھوٹے سے آپریشن کے بعد ایک ہفتہ تک والٹر ریڈ میڈیکل سینٹر میں رکھا جائے گا ۔
ترجمان نے بتایا " آپریشن کامیاب رہا اور اس میں کوئی دقت پیش نہیں آئی "۔ امریکی صدر کے آفس کے ایک افسر نے کہا کہ ٹرمپ کے واشنگٹن کے میری لینڈ کے بیتھسڈا واقع اسپتال پہنچ کرمسز ٹرمپ کی خیر وخبر لینے کی امید ہے ۔