کیجریوال حکومت کے اسکول اور اسپتال ماڈل پر الیکشن لڑے گی آپ : سسودیا

نئی دہلی، 8 جنوری (یو این آئی) دہلی کے نائب وزیر اعلی منیش سسودیا نے کہا کہ عام آدمی پارٹی (آپ) کیجریوال حکومت کے اسکول اور اسپتال کے ماڈل پر الیکشن لڑے گی۔

مسٹر سسودیا نے پانچ اسمبلی انتخابات کی تاریخوں کے اعلان کے بعد ٹویٹ کیا ’’پنجاب، گوا، اتراکھنڈ اور یوپی انتخابات کے لیے میں عام آدمی پارٹی کے تمام کارکنوں سے نیک خواہشات کا اظہار کرتا ہوں۔ دہلی کے بعد عام آدمی پارٹی اب ان تین ریاستوں میں بھی اروند کیجریوال کے اسکول اور اسپتال کے ماڈل پر الیکشن لڑے گی‘‘۔ انہوں نے کہا کہ 14 فروری کا



دن ہوگا، جھاڑو انتخابی نشان ہوگا۔

آپ سینئر لیڈر سنجے سنگھ نے لوگوں سے اپیل کرتے ہوئے کہا کہ پانچ ریاستوں کے اسمبلی انتخابات آپ کے بچوں اور خاندان کا مستقبل بدل دیں گے۔ انہوں نے ٹویٹ کرکے کہا ’’انتخابات کے مہاپرو کا اعلان ہو گیا ہے۔ یہ انتخاب آپ کے بچوں اور خاندان کا مستقبل بدل دے گا۔ آئیے جھاڑو کو ووٹ دیں‘‘۔

انہوں نے کہا ’’یوپی کے لوگوں کے پاس دہلی کے وزیر اعلی اروند کیجریوال کی گارنٹی ہے۔ مفت بجلی، مفت تعلیم، مفت علاج۔ ہر بے روزگار کو 5 ہزار/ماہ۔ ہر خاتون کو 1000/ماہ۔ اس بار آپ کی حکومت۔