حیدرآباد 30دسمبر(یواین آئی)تلگودیشم کے سربراہ این چندرابابو نائیڈو نے کہا ہے کہ وزیراعلیٰ وائی ایس جگن موہن ریڈی آندھرا پردیش کے دارالحکومت کو تبدیل کرنے کا کوئی اختیار نہیں رکھتے۔
انھوں نے گنٹور سٹی میں میڈیا سے بات کرتے ہوئے کہا کہ
وہ امراوتی کو ہی ریاستی دارالحکومت کے طور پر برقرار رکھنے کی مساعی کررہے ہیں۔
انھوں نے تعجب کا اظہار کیا کہ آیا وزیراعلیٰ جگن موہن ریڈی ریاستی دارالحکومت کی منتقلی کا اختیار رکھتے ہیں؟ انھوں نے ریاست کے لئے تین دارالحکومتوں کی ضرورت پر سوال اُٹھائے۔