فیس بک ہماری جمہوریت کو کمزور کررہا ہے:کانگریس

نئی دہلی، 17 اگست (یو این آئی) کانگریس نے کہا ہے کہ ملک میں فیس بک اور واٹس ایپ کے ذریعے نفرت اورگھن پھیلانے کر جمہوریت کو کمزور کیا جارہا ہے اور اس معاملے کی حقیقت کو سامنے لانے کے لئے مشترکہ پارلیمانی کمیٹی تشکیل دی جانی چاہئے کانگریس کی ترجمان سوپریہ شرینیٹ نے پیر کو یہاں پریس کانفرنس میں کہا کہ اگر کوئی بھی سوشل میڈیا پلیٹ فارم ہماری جمہوریت کو نقصان پہنچائے گا تو اس سلسلے میں سوالات پوچھے جائیں گے اور حکومت کو ان سوالوں کا جواب دینا چاہئے۔ انہوں نے کہا کہ سوشل میڈیا کے ذریعہ ہم معاشرے میں نفرت پھیلانے اور دراڑ پیدا کرنے کی کوشش کی جارہی ہے اور کسی کو بھی اس طرح ملک کو تقسیم کرنے اور غیر ذمہ داری سے کام کرنے



کی اجازت نہیں دی جاسکتی ہے۔

انہوں نے کہا کہ امریکی اخبار نے فیس بک کے اس کارنامہ سے پردہ اٹھایا ہے لیکن حیرت کی بات یہ ہے کہ بھارتیہ جنتا پارٹی کے رہنما اور مرکزی وزیر اس معاملے پر کانگریس پارٹی کی اعلی قیادت پر حملہ کر رہے ہیں۔ بی جے پی حکومت کو غلط خبریں پھیلانے پر واٹس ایپ کے خلاف کارروائی کرنی چاہئے تھی ، لیکن ایسا کرنے کے بجائے وہ کانگریس قائدین پر حملہ کررہی ہے۔

ترجمان نے کہا کہ ملک کی جمہوریت پر بہت سی سازشوں کے تحت حملہ کیا جارہا ہے۔ ایسا محسوس کیا جارہا ہے کہ منصوبہ بند طریقے سے ملک کی شبیہہ کو داغدار کرنے کی کوشش کی جارہی ہے ، لہذا جے پی سی کی تشکیل سے ہی اس معاملے کی سچائی کو منظرعام پر لایا جائے۔