پانچ ریاستوں میں سخت کووڈ ضابطوں کے تحت انتخابات ہوں گے: کمیشن

نئی دہلی، 8 جنوری (یو این آئی) الیکشن کمیشن کی طرف سے اس سال پانچ ریاستوں کے انتخابی شیڈول کے اعلان کے ساتھ ہی مثالی ضابطہ اخلاق نافذ ہو گیا ہے۔ الیکشن کمیشن نے اسمبلی انتخابات میں کووڈ پروٹوکول پر خصوصی توجہ دی ہے۔ الیکشن کمیشن کی پریس کانفرنس میں چیف کمشنر سشیل چندرا نے بتایا کہ اترپردیش، پنجاب، اتراکھنڈ، منی پور اور گوا کے اسمبلی انتخابات کے دوران کووڈ گائیڈ لائنز کو مکمل طور پر لاگو کیا جائے گا۔

مسٹر چندرا نے کہا کہ کووڈ کی موجودہ صورتحال کو پیش نظر رکھتے ہوئے تمام قسم کی براہ راست ریلیوں، سائیکل اور



موٹر سائیکل ریلیوں، پیدل مارچ (پد یاترا)، نُکّڑ میٹنگ، ریلی وغیرہ پر 15 جنوری 2022 تک پابندی رہے گی۔ الیکشن میں حصہ لینے والی پارٹیاں ورچوئل ریلیوں کے ذریعے انتخابی مہم چلا سکیں گی۔ 15 جنوری کو صورتحال کا جائزہ لینے کے بعد پارٹیوں کے لیے گائیڈ لائن جاری کی جائیں گی۔ اس دوران سیاسی پارٹیاں رات 8 بجے سے صبح 8 بجے تک کوئی ریلی نہیں نکال سکیں گی۔ ریلی کے وقت، سیاسی جماعتیں کووڈ کے ضابطے کے تحت عوام کو ماسک فراہم کریں گی۔ گھر گھر مہم کے لیے پانچ لوگوں کو اجازت دی جائے گی، اور مہم میں کووڈ کے رہنما خطوط کو ذہن میں رکھنا ضروری ہے۔