ہلدوانی متاثرین میں ہنگامی ریلیف تقسیم 6 شہیدوں کے اہل خانہ کو دودولاکھ کا چیک

 ، ڈراورخوف سے نہیں،مملکتیں عدل وانصاف سے چلتی اورترقی کرتی ہیں: مولانا ارشدمدنی

نئی دہلی، 21 فروری (یو این آئی) اتراکھنڈ کے ہلدوانی میں ظلم و تشدد کے شکار لوگوں سے اظہار یکجہتی کرتے ہوئے صدر جمعیۃ علماء ہند مولانا ارشد مدنی نے کہا کہ ہلدوانی میں پولس فائرنگ اور ظلم کا شکار ہوئے لوگوں کے ساتھ اس مصیبت کی گھڑی میں جمعیۃ علماء ہند شانہ بشانہ کھڑی ہوئی ہے اور وہاں امداد اورریلیف کا کام شروع ہوگیا



ہے۔

آج یہاں جاری ایک بیان میں ہلد وانی میں پولس کاروائی کی سخت مذمت کرتے ہوئے انہوں نے ددعوی کیا کہ پولس کے ظلم اور بربریت کی ایک لمبی داستان ہے ، خواہ ملیانہ ہو یا ہاشم پورہ، مراد آباد ہو یا بلد وانی ہر جگہ پولس کا ایک ہی چہرہ نظر آتا ہے۔ حالانکہ پولس کا کام امن وامان قائم رکھنا اور لوگوں کے جان و مال کی حفاظت کرنا ہے، لیکن افسوس کہ پولس امن کا داعی بننے کے بجائے اقلیتوں اور خاص کر مسلمانوں کے ساتھ ایک فریق کی طرح معاملہ کرتی ہے۔