کورونا، وقت پر کاروائی قابلِ ستائش: ڈبلیو ایچ او

نئی دہلی،14اپریل (یو این آئی) عالمی ادارہ صحت (ڈبلیو ایچ او) نے کورونا وائرس ’کووِڈ-19‘ کو روکنے کے لیے ہندوستان کی جانب سے مستعدی کے ساتھ وقت پر کی گئی مزید کاروائی کی تعریف کی ہے۔

ڈبلیو ایچ او کے علاقائی ڈائریکٹر ڈاکٹر کھیترپال سنگھ نے منگل کے روز ایک بیان میں کہا،’ عالمی ادارہ صحت نے کووِڈ-19 کو پھیلنے سے روکنے کے لیے وقت پر کاروائی کے لیے ہندوستان کی تعریف کی ہے۔ اس کے نتیجہ کے بارے میں بتانا، ابھی جلدی ہوگئی لیکن چھ ہفتے کی قومی سطح پر لاک ڈاؤن، سوشل ڈسٹینسنگ، صحت عامہ کی



منصوبہ بندی کرنے، کورونا متاثر پوزیٹیو افراد کا آئیسولیشن اور رابطے میں آنے والے افراد کا پتہ لگانے اور دیگر حفاظتی کاروائی کرنے کے نتائج اچھے ہی ہوں گے‘۔

ڈاکٹر سنگھ نے کہا،’ بڑے اور کئی چیلنجز کے باوجود ہندوستان اس وبا کے خلاف اپنی لڑائی میں پابند عہد ہونے کا مظاہرہ کر رہا ہے۔ اس امتحان کی گھڑی میں یہ کاروائی افسران اور صحت اہلکاروں کے ساتھ طبقات کے طور پر زیادہ مضمر ہے‘۔

انہوں نے کہا کہ یہ در اصل ہر کسی کے لیے سب سے زیادہ اہم حصہ داری کرنے اور کورونا وائرس کو شکست دینے کا وقت ہے۔