بدھ کی تعلیمات مستقبل کے لیے رہنما اصول : دھنگھڑ

نئی دہلی، 17 جنوری (یو این آئی) نائب صدر جمہوریہ جگدیپ دھنگھڑ نے بدھ کی تعلیمات کو موجودہ دور میں متعلقہ قرار دیتے ہوئے کہا ہے کہ موسمیاتی تبدیلی، تنازعات ، دہشت گردی اور غربت جیسے عصری چیلنجوں سے نمٹنے کے لیے بدھ کے

نظریات کی ضرورت ہے۔

بدھ کو یہاں ایشین بدھسٹ پیس کا نفرنس (اے بی سی پی) کی 12 ویں جنرل اسمبلی کا افتتاح کرتے ہوئے نائب صدر جمہوریہ نے کہا کہ بدھ کی تعلیمات ماضی کے آثار نہیں ہیں بلکہ مستقبل



کے لیے رہنما اصول ہیں۔ انہوں نے کہا کہ گو تم بدھ کا امن، ہم آہنگی اور بقائے باہمی کا پیغام نفرت اور دہشت کی طاقتوں کے خلاف ہے۔ انہوں نے کہا کہ اخلاقی بے یقینی کے دور میں بدھ کی تعلیمات سب کے لیے استحکام ، سادگی، تحمل اور احترام کا راستہ پیش کرتی ہیں۔ اس کی چار عظیم سچائیاں اور ایٹ فولڈ پتھ اندرونی امن ، ہمدردی اور عدم تشدد کی طرف لے جاتا ہے۔ یہ موجودہ تنازعات کا سامنا کرنے والے افراد اور قوموں کے لیے تبدیلی کے رہنما اصول ہیں۔