نئی دہلی/چنڈی گڑھ(یوا ین آئی) ہریانہ کانگریس کی صدر اور راجیہ سبھا رکن کماری شیلجا نے دہلی کے رام لیلا میدان میں ہفتے کے روز منعقد’بھارت بچاؤ ریلی‘ میں بے حد کامیاب قرار دیتے ہوئے کہا ہے کہ اس میں امنڈنے والے عوامی سیلاب نے ملک کی سیاست میں بڑی تبدیلی کا
اشارہ دیا ہے۔
محترمہ شیلجا نے ریلی کے بعد جاری ایک بیان میں کہا کہ بھارتیہ جنتا پارٹی (بی جے پی) کی قیادت والی قومی جمہوری اتحاد(این ڈی اے) کی مرکزی حکومت مبینہ عوام مخالف پالیسیوں کے خلاف منعقد اس ریلی میں عوام علیٰ الصباح ہی پہنچنے لگے حالانکہ وقت دس بجے کا تھا۔