عآپ رکن اسمبلی آتشی مارلینا کورونا سے متاثر

نئی دہلی 17جون(یواین آئی)کالکا جی سے عام آدمی پارٹی(عآپ)کی رکن اسمبلی آتشی مارلینا کورونا سے متاثر ہوگئی ہیں۔

محترمہ مارلینا نے 16جون کو کورونا ٹیسٹ کرایا تھا جس کی رپورٹ آج صبح 17جون کو مثبت آئی ہے۔فی الحال ان میں ہلکی علامات ہیں اور انہوں نے خود کو اپنے



گھر میں کوارنٹائن کرلیا ہے۔

وزیراعلیٰ اروند کیجریوال نے ٹویٹ کے ذریعہ محترمہ مارلینا کی جلد شفایابی کی دعا کرتے ہوئے کہا،’’کورونا کے خلاف جنگ میں آتشی جی کا اہم تعاون رہا ہے۔مجھے امید ہے کہ وہ جلد از جلد صحت یاب ہوکر ایک مرتبہ پھر لوگوں کی خدمت میں مصروف ہوجائیں گی۔