ونگ کمانڈروردھمان ابھی نندن کو ’ویر چکر ‘

نئی دہلی، 14 اگست (ایجنسی) ہندوستانی فضائیہ کے ٹھکانے پر حملہ کرنے آنے والے پاکستان کے ایف 16 طیاروں میں سے ایک کو اپنے مگ 21 طیارہ کو مار گرانے والے فضائیہ کے ونگ کمانڈر وردھمان ابھینندن کو ویر چکر سے نوازا جائے گا۔

صدر رام ناتھ کووند نے ونگ کمانڈر ابھینندن کو جنگ میں غیر معمولی بہادری کے لئے دیا جانے والا تیسرا سب سے بڑا ایوارڈ ویر چکرسے نوازنے کا آج اعلان کیا ۔

گزشتہ 14 فروری کو پلوامہ دہشت گردانہ حملے کے بعد ، ہندوستانی فضائیہ نے 26 فروری کو پاکستان کے مقبوضہ کشمیر کے قریب بالاکوٹ میں واقع دہشت گردوں کے ٹھکانوں پر بمباری کرکے اسے تباہ کردیا تھا۔ پاک فضائیہ نے اپنے ایف 16 جنگی



طیارے اگلے روز 27 فروری کو صبح ہندوستانی اہداف پر حملہ کرنے کے لئے بھیجے۔ ہندوستانی فضائیہ نے اس حملے کو ناکام بنا دیا۔ اس دوران ، ونگ کمانڈر ابھی نندن نے اپنے ایم جی 21 لڑاکا طیارے میں پاکستان ایف 16 لڑاکا طیارے کا پیچھا کیا اور اسے مار گرایا ۔ اس دوران ان کے طیارے کو بھی دشمن نے مار گرایا اور انہیں پیراشوٹ کے ذریعے کودنا پڑا لیکن بدقسمتی سے وہ پاکستانی سرحد میں اترا جہاں اسے پاک فوج نے گرفتار کرلیا۔

ہندوستان کے فوجی اور سفارتی دباؤ کے سبب پاکستان کو ونگ کمانڈر ابھینندن رہا کردیا۔ ونگ کمانڈر ابھی نندن نے اس پورے واقعے میں بہادری کا مظاہرہ کیا جس کے لئے انہیں ویر چکر سے نوازنے کا فیصلہ کیا گیا ہے۔