ناگرجنا ساگر ڈیم سے 18 سال بعد پانی کا اخراج

حیدرآباد، ٢٩ جولائی (ذرائع) تلنگانہ کے ناگرجنا ساگر ڈیم میں بالائی علاقوں سے آنے والے زبردست سیلابی پانی کے سبب ذخیرہ آب مکمل بھر گیا ہے۔ نتیجتاً، حکام نے پراجیکٹ کے کرسٹ گیٹ کھول کر پانی کا اخراج شروع کر دیا۔ اس موقع پر ریاستی وزراء اُتم کمار ریڈی، کومٹ ریڈی



وینکٹ ریڈی، اڈلور لکشمن کے علاوہ کئی اعلیٰ عہدیداروں نے شرکت کی۔قابل ذکر ہے کہ 18 سال کے وقفے کے بعد یہ پہلا موقع ہے کہ ایک مہینہ پہلے ہی ناگرجنا ساگر سے پانی چھوڑا جا رہا ہے۔ پراجیکٹ کی مکمل گنجائش 590.00 فٹ (یعنی 312.04 ٹی ایم سی) ہے، جب کہ موجودہ پانی کی سطح 586.60 فٹ تک پہنچ چکی ہے۔