وقف ترمیمی قانون وقف جائداد ہڑپنے اور مسلمانوں کو بے دست پا کرنے کا ایک منصوبہ : قومی تنظیم کی قرار داد

نئی دہلی، 27 مئی (یو این آئی) آل انڈیا قومی تنظیم کی دنیشینل ایگزیکیوٹیو میٹ، جہاں ملک کے سلگتے مسائل پر غور و خوض کیا گیا وہیں مقررین نے قومی تنظیم میں نئی جان بھونکنے کی اپیل۔ ساتھ ہی قومی تنظیم کے صدر اور رکن پارلیمنٹ طارق انور نے حکومت پر نفرت کی پھیلانے والوں کو چھوٹ دینے کا الزام عائد کیا اس موقع پر نیشنل ایگزی کیوٹیومیٹ میں تنظیم کے ریاستی صدور اور اہم عہدیدران نے متفقہ طور پر حالات پر حاضرہ پر قرار دادیں منظور کیں۔ جس میں کہا گیا کہ آل انڈیا



قومی تنظیم ہندوستان و پاکستان کے مابین فوجی کارروائی کی حمایت کرتی ہے اور اس کے بعد ہونے والی جنگ بندی کا خیر مقدم کرتی ہے۔ پہلگام حملے میں ہلاک ہونے والے سیاحوں کے اہل خانہ سے ہمدردی اور تعزیت کا اظہار کرتی ہے اور حکومت سے مطالبہ کرتی ہے کہ اس طرح کے وحشتناک عمل کرنے والوں کو سخت ترین سزادی جائے۔ ساتھ ہی آل انڈیا قومی تنظیم حکومت سے مطالبہ کرتی ہے کہ وہ شملہ سمجھوتے کی روح کو تحلیل نہ ہونے دے اور ہندوستان اور پاک کے قضیے میں کسی تیسرے فریق کی شمولیت سے پر ہیز کرے۔