ٹرمپ کا بھارت کے لیے ٹیرف کو لے کر بڑا اعلان

ذرائع:

امریکی صدر ڈونالڈ ٹرمپ نے بھارت کو بڑی خوشخبری دی ہے۔ انہوں نے بھارت پر عائد ٹیریفس کو 25 فیصد سے کم کرکے 18 فیصد کرنے کا اعلان کیا ہے۔ اس سلسلے میں صدر ٹرمپ نے اپنے ذاتی سوشل میڈیا پلیٹ فارم ’ٹروتھ سوشل‘ پر ایک پوسٹ بھی شیئر کی۔قابلِ ذکر بات یہ ہے کہ آج ہی صدر ٹرمپ اور بھارتی وزیرِ اعظم نریندر



مودی کے درمیان فون پر بات چیت ہوئی تھی، اور اس کے کچھ ہی دیر بعد ٹیریفس میں کمی کا اعلان سامنے آیا، جسے اہم پیش رفت قرار دیا جا رہا ہے۔واضح رہے کہ روس سے خام تیل کی خریداری کے معاملے پر بھارت پر دباؤ ڈالنے کے لیے ٹرمپ انتظامیہ کی جانب سے اضافی محصولات عائد کئے گئے تھے۔ اب ٹیریفس میں کمی کے اعلان کو دونوں ممالک کے درمیان سفارتی سطح پر مثبت اشارہ سمجھا جا رہا ہے۔