ٹی آر ایس رکن پارلیمنٹ کی بیٹی کا نام فوربس میگزین میں شامل

حیدرآباد6فروری (یواین آئی)تلنگانہ کی حکمران جماعت ٹی آر ایس کے رکن پارلیمنٹ کے پربھاکر ریڈی کی دختر کیرتی ریڈی کے نام کو دنیا کی مشہور میگزین فوربس نے انڈر 30 کی فہرست میں شامل کیا ہے ملک کی بااثر 30 نوجوان شخصیات میں 24 سالہ کیرتی ریڈی بھی شامل ہیں سدی پیٹ



ضلع کے پوتھارام گاؤں سے تعلق رکھنے والی کیرتی ریڈی اسٹیک وگ نامی کمپنی کی چیف آپریٹنگ آفیسر ہیں۔

وہ اس کمپنی کی شریک بانی بھی ہیں۔

یہ کمپنی ویکسین کی منتقلی پر نظر رکھتی ہے اور فارما کمپنیوں سے کولڈ اسٹور تک ویکسین منتقل کرنے کے عمل کا ٹریک کرتی ہیں۔