سپریم کورٹ جولائی میں مہاراشٹر میں مراٹھا ریزرویشن تنازعہ پر غور کرے گی

نئی دہلی، 26 جون (یو این آئی) سپریم کورٹ 14 جولائی کے بعد مہاراشٹر میں مراٹھوں کو تعلیم اور ملازمتوں میں 10 فیصد ریزرویشن کی فراہمی کو چیلنج کرنے والی درخواست پر غور کرے گی۔

جسٹس کے وی وشواناتھن اور این کے سنگھ کی بنچ نے جمعرات کو ایک وکیل کی طرف سے معاملے کو فوری طور پر درج کرنے کی درخواست پر یہ اجازت دی۔

بنچ نے کہا کہ پٹیشن دوبارہ کھلنے



والے ہفتے (گرمیوں کی تعطیلات کے بعد 14 جولائی سے شروع ہونے والے عام کام کے دن) میں درج کی جائے گی۔

سپریم کورٹ میں ایک عرضی دائر کی گئی ہے جس میں بامبے ہائی کورٹ کے عبوری حکم کو چیلنج کیا گیا ہے، جس نے متعلقہ مراٹھاریزرویشن قانون پر روک لگانے سے انکار کر دیا تھا۔ ہائی کورٹ نے ریزرویشن کو چیلنج کرنے والی درخواستوں پر حتمی فیصلہ آنے تک 10 فیصد ریزرویشن کی اجازت دی تھی۔