آبنائے ہرمز کی بندش: 37 بھارتی جہاز خلیج فارس میں پھنس گئے، ہزاروں ملاح متاثر

ایران پر امریکہ اور اسرائیل کے مشترکہ حملوں کے بعد عالمی تیل ترسیل کی اہم گزرگاہ آبنائے ہرمز کو بند کردیا گیا ہے، جس کے باعث سیکڑوں جہاز سمندر میں ہی رُک گئے ہیں۔

اطلاعات کے مطابق خلیج فارس اور خلیجِ عمان میں بھارت کے پرچم والے 37 جہاز پھنسے ہوئے ہیں، جن میں



ایک ہزار سے زائد ملاح سوار ہیں۔ بعض جہاز خام تیل اور مائع قدرتی گیس بھارت کی بندرگاہوں تک لا رہے تھے، جبکہ کچھ دیگر خلیجی ممالک سے پیٹرولیم مصنوعات لانے جا رہے تھے۔حکام نے بتایا کہ موجودہ صورتحال پر وزارتِ جہاز رانی قریبی نظر رکھے ہوئے ہے اور متعلقہ کمپنیوں سے مسلسل رابطے میں ہے تاکہ ملاحوں اور جہازوں کی حفاظت یقینی بنائی جاسکے۔