خواتین کے لیے دبئی میں خصوصی ایمبولینس سروس

دبئی،27جولائی (ایجنسی) دبئی کی ایمبولینس سروسز فاؤنڈیشن کی طرف سے امارۃ دبئی میں خواتین کے لیے خصوصی ایمبولینس سروس شروع کی گئی ہے جو اپنی نوعیت کی منفرد خدمت ہے۔

ایمبولینس سروس فاؤنڈیشن کا کہنا ہے کہ ایک ماہ کے دوران دبئی میں ادارے کو خواتین کی جانب سے ایمبولینس سروس کے لیے 55 درخواستیں موصول ہوئیں۔

ایمبولینس سروسز فاؤنڈیشن کا کہنا ہے کہ 'فی میل ریسپانڈر' کے عنوان سے شروع کی گئی اس منفرد ایمبولینس سروس کا مقصد خواتین کی



پرائیسویسی کا تحفظ اور انہیں جلد از جلد طبی سہولیات کی فراہمی کے لیے ایمبولینس فراہم کرنا ہے۔

تنظیم کا کہنا ہے کہ خواتین کی سہولت کے لیے ایمبولینس سروس صرف گاڑی تک محدود نہیں بلکہ ہر گاڑی میں مناسب طبی سہولیات اور بین الاقوامی سطح پر تربیت یافتہ طبی عملہ بھی موجود ہوتا ہے۔

ایمبولینس کی ایک خاتون ڈرائیور نے بتایا کہ ایمبولینس کے لیے درخواست دینے والی خواتین کی ضرورت کے مطابق گاڑی، ڈاکٹر یا خصوصی نگہداشت وغیرہ کا اہتمام کیا جاتا ہے۔