لوک سبھا میں بی جے پی ایم پیز کے شور کے درمیان سونیاگاندھی نے لیا حلف

نئی دہلی/18جون(ایجنسی) کانگریس رہنمااور یوپی اے  کی صدر سونیا گاندھی نے منگل کو لوک سبھا رکنیت کے طور پر حلف لیا، اس دوران بی جے پی ایم پیز جئے شری رام اور بھارت ماتا کی جئے کے نعرے لگاتے رہے، اتر پردیش سے لوک سبھا پہنچی کانگریس کی ایک واحد رہنما سونیا گاندھی نے ہندی میں حلف لیا، انکے بیٹے اور کانگریس صدر راہل گاندھی نے اپنے موبائل میں اسکا ویڈیو ریکارڈ کرلیا، وہ جب اپنی سیٹ پر لوٹ رہی تھیں، تو بی جے پی کے کچھ رکن نے کہا ، ہند میں حلف لینے کے لیے شکریہ، سونیا جب اپنی سیٹ پر پہنچی تو کانگریس کے دیگر ایم پیز انکے اعزاز میں کھڑے ہوگئے-