خود انحصاری کا سب سے بڑا سبق صحت کے شعبہ نے دیا: مودی

نئی دہلی، 15 اگست (یواین آئی) وزیر اعظم نریندر مودی نے خود انحصار بننے کی سمت میں صحت کے شعبہ میں کی گئی کوششوں کی ستائش کرتے ہوئے ہفتہ کو کہا کہ کورونا کے اس بحران میں خود انحصاری کی سب سے بڑی سیکھ اسی شعبہ نے دی ہے جو اتنے کم وقت میں میڈیکل سپلائی کےلئے درآمدات پر انحصار چھوڑ کر اب اس کی برآمدات کرنے لگا ہے۔

مسٹر مودی نے74ویں یوم آزادی کے موقع پر لال قلعہ کی فصیل سے ملک سے اپنے خطاب میں کہا،’’کورونا کے بحران میں ہم نے دیکھا کہ بہت سی چیزوں



کےلئے ہم مشکلات میں ہیں۔دنیا سے لانا ہے اور دنیا دے نہیں پارہی ہے۔ہمارے ملک میں نوجوانوں نے،کاروباریوں نے ،صنعتی شعبہ کے لوگوں نے یہ بیڑا اٹھا لیا کہ جس ملک میں پہلے این 95 ماسک نہیں بنتے تھے،بننے لگے،پی پی کٹ نہیں بنتی تھی ،بننے لگی،وینٹی لیٹر نہیں بنتے تھے،بننے لگ گئے۔ملک کی ضرورتوں کی فراہمی تو ہوئی لیکن ساتھ ہی جب دنیا کو ضرورت ہوئی اور خود انحصار ہندوستان دنیا کو کیسے مدد کرتا ہے،ہم نے دیکھا۔دنیا کی بھلائی میں ہندوستان کی تعاون بڑھانا ہمارا فرض بنتا ہے۔‘‘