میکسیکو میں زلزلے کے بعد متاثرین کی تلاش جاری

میکسیکو/22ستمبر(ایجنسی) جنوبی امریکی ملک میکسیکو میں شدید زلزلے کے بعد گرنے والی عمارتوں کا ملبہ ہٹانے کا سلسلہ جاری ہے۔ حکومتی بیان کے مطابق اب تک کم از کم 60 افراد کو ملبے کے نیچے سے زندہ نکالا جا چکا ہے۔



حکومتی امدادی کارکنوں اور عام لوگ ملبے تلے دبے افراد کو تلاش کر رہے ہیں۔ چار روز قبل آنے والے 7.1 طاقت کے اس زلزلے میں ہلاک ہونے والے افراد کی تعداد 273 تک پہنچ گئی ہے۔ سب سے زیادہ 137 ہلاکتیں دارالحکومت میکسیکوسٹی میں ہوئی ہیں۔ عینی شاہدین کے مطابق ملبے تلے ابھی بھی بہت سارے دبے ہیں۔