سعودی فضائی دفاعی نظام نے مدینہ منورہ کی جانب داغا گیا حوثی میزائل فضا میں تباہ کردیا

ذرائع:

سعودی عرب کے فضائی دفاعی نظام نے مدینہ منورہ کے علاقے کی جانب یمن کی حوثی ملیشیا کی طرف سے داغے گئے بیلسٹک میزائل کو فضا ہی میں روک کر تباہ کردیا۔ یمن میں قانونی حکومت کی حمایت کرنے والے اتحادی افواج کے ترجمان میجر جنرل ترکی المالکی نے جمعرات کو سوشل میڈیا پلیٹ فارم ایکس پر جاری بیان میں اس کارروائی کی تصدیق کی۔ انہوں نے بتایا کہ فضائی



دفاعی فورسز نے بروقت کارروائی کرتے ہوئے میزائل کو اپنے نشانہ تک پہنچنے سے پہلے ہی تباہ کردیا۔ دوسری جانب سعودی شہری دفاع نے ینبع اور یمن کی سرحد کے قریب واقع شہر شرورہ میں ممکنہ خطرے کے پیش نظر انتباہی نظام بھی فعال کیا، تاہم کچھ ہی دیر بعد خطرہ ٹل جانے کا اعلان کردیا گیا۔ حوثی ملیشیا نے تاحال مدینہ منورہ کی جانب میزائل داغنے کے واقعہ پر کوئی بیان جاری نہیں کیا ہے۔