ریزرو بینک نے انتخابی بانڈ پر سوالات اٹھائے تھے

نئی دہلی، 10 دسمبر (یو این آئی) حکومت نے آج راجیہ سبھا میں اعتراف کیا کہ ریزرو بینک نے انتخابی بانڈ کے بارے میں کچھ تشویش کا اظہار کیا ہے۔

ضمنی سوالوں کے جواب میں ، وزیر خزانہ نرملا سیتارمن نے کہا کہ انتخابی بانڈوں کے معاملے میں اسٹیک ہولڈر کی حیثیت سے شروع سے ہی ریزرو بینک سے بات چیت جاری تھی اور اس نے کچھ سوالات بھی اٹھائے تھے۔ سوال یہ تھا کہ یہ بانڈ کون جاری کرے گا۔ بعد میں یہ معلوم ہونے پر کہ یہ بانڈز اسٹیٹ بینک آف انڈیا کے ذریعہ جاری کیے جائیں گے ، ریزرو بینک کی سنٹرل بورڈ کمیٹی نے اپنی میٹنگ میں اس کے لئے بالواسطہ رضامندی دے دی تھی۔

سنٹرل کمیٹی کی آخری میٹنگ میں 11 اکتوبر کو کہا گیا



تھا ،’’گزشتہ 27 ستمبر کو ہونے والی میٹنگ میں کیے گئے فیصلوں کے مطابق بینک کے ذریعہ لکھے گئے خط کے بعد حکومت کے ساتھ انتظامیہ کے تبادلہ خیال پر چیئرمین نے الیکشن بانڈزکے سلسلے میں کمیٹی کو آگاہ کیا تھا ۔ کمیٹی نے شیٹ کی شکل میں انتخابی بانڈز کو جاری نہ کرنے کے بینک کے فیصلے کی حمایت کی تھی اور تبصرہ کیا تھا کہ اگر حکومت ایس بی آئی کے ذریعے شیٹ کی شکل میں انتخابی بانڈز جاری کرنے کا فیصلہ کرتی ہے تو ، بینک کو چاہئے کہ حکومت کو ایساکرنے دے ‘‘۔

ایک اور سوال کے جواب میں ، انہوں نے کہا کہ یہ انتخابی بانڈوں کو خفیہ رکھا جاتا ہے اور ان کی معلومات صرف قانونی چارہ جوئی کے سلسلے میں عدالت کے حکم پر دی جاسکتی ہے۔