حکومت اقتصادی بحران چھپانے کے بجائے اسے حل کرنےکی کوشش کرے:پرینکا

نئی دہلی،3ستمبر(ایجنسی)کانگریس جنرل سکریٹری پرینکا گاندھی وڈرا نے حکومت پر اقتصادی بحران کے حالات کو چھپانے کا الزام لگاتے ہوئے منگل کو کہا کہ اصلیت پر پردہ ڈالنے کے بجائے حکومت کو ا س سے نمٹنے کی کوشش کرنی چاہئے۔

محترمہ واڈرا نے ٹویٹ کیا،’’کسی جھوٹ کو سوبار کہنےسے جھوٹ سچ نہیں ہوجاتا۔بی جےپی حکومت کو یہ اعتراف کرنا چاہئے کی معیشت میں تاریخی بحران ہے اور انہیں اسے حل کرنے کے اقدامات کی طرف بڑھنا



چاہئے۔‘‘

انہوں نے کہا کہ ملک اقتصادی بحران کے دور سے گزر رہا ہے اور اس کی خبرسب کو ہے اس لئے میڈیا مینجمنٹ کے ذریعہ اسے چھپانے کی کوشش نہیں ہونی چاہئے۔انہوں نے کہا ’’بحران کا حال سب سے سامنے ہے۔حکومت کب تک ہیڈلائن مینجمنٹ سے کام چلائےگی؟’’

واضح رہے کہ دودن پہلے کانگریس کے سینئر لیڈر اور سابق وزیراعظم من موہن سنگھ نے بھی اقتصادی بحران کے سلسلے میں حکومت پر سخت طنز کیاتھا اور حکومت کو مل اس کا حل نکالنے کا مشورہ دیا تھا۔