سمراٹ پرتھوی راج فلم ورلڈ کلاس: موہن بھاگوت

نئی دہلی، 4 جون (یو این آئی) راشٹریہ سویم سیوک سنگھ (آر ایس ایس) کے سربراہ موہن بھاگوت نے جمعہ کو فلم ’’سمراٹ پرتھویراج‘‘ دیکھی اور کہا کہ یہ ’’خوشی‘‘ کی بات ہے کہ اب ہم تاریخ کو ہندوستان کے نقطہ نظر سے دیکھ رہے ہیں۔ انہوں نے فلم کو ورلڈ کلاس قرار دیا جس میں اکشے کمار اور مانوشی چھلر نے کلیدی اداکاری کی۔

مسٹر بھاگوت نے کہاکہ "یہ ایک ایسی فلم ہے جو ملک کو قابل فخر بناتی ہے اور اس فلم نے ہمیں عالمی فلم سازی کے میدان میں قدم قدم پر چلنے کی ترغیب دی ہے۔"

اس فلم کے بارے میں جس نے دنیا کو متاثر کیا، انہوں نے کہا کہ اس فلم کو دیکھنے کے بعد پورے ملک کے



لوگ متحد ہو جائیں گے، بہادر ہوں گے اور قوم کی عزت کے لیے کھڑے ہوں گے جس طرح اس فلم میں ان عظیم ہیروز کو دکھایا گیا ہے۔ میں تہہ دل سے اکشے کمار اور ڈاکٹر چندر پرکاش دویدی کا شکریہ ادا کرنا چاہوں گا، جو اسکریننگ میں موجود تھے اور میں ان تمام لوگوں کو مبارکباد پیش کرتا ہوں جنہوں نے فلم بنانے میں تعاون کیا ہے۔"

آر ایس ایس کے دیگر سینئر لیڈروں کے ساتھ فلم دیکھنے کے بعد مسٹر بھاگوت نے کہا کہ یہ حقیقت پر مبنی فلم ہے اور یہ صحیح پیغام دیتی ہے، جس کی آج ملک کو ضرورت ہے۔ اب تک ہم دوسروں کی لکھی ہوئی اپنی تاریخ پڑھتے تھے۔ اب ہم تاریخ کو ہندوستان کے نقطہ نظر سے دیکھ رہے ہیں۔