کمبھ میلہ کے اختتام پر وزیراعظم مودی نے اتر پردیش کے عوام کو مبارکباد دی

نئی دہلی، 6 مارچ (ایجنسی) وزیر اعظم نریندر مودی نے بدھ کو کمبھ میلے کی کامیاب انعقاد کے لئے اتر پردیش بالخصوص پرياگراج کے عوام کو مبارک باد دی۔ مسٹر مودی نے ٹویٹ کیا "پرياگراج کمبھ میلے کے کامیاب انعقاد کے لئے اتر پردیش، بالخصوص پرياگراج کے عوام اور وزیر اعلی یوگی آدتیہ ناتھ حکومت کو مبارکباد"۔

انہوں نے کہا کہ "اس کمبھ کے ذریعے ہماری ثقافت اور روحانیت کا سب سے بہترمظاہرہ دیکھنے کوملا اور اسے آئندہ برسوں تک یاد کیا جائے گا"۔ انہوں نے یہ بھی کہا کہ پرياگراج کمبھ نے کئی قابل ذکر ریکارڈ قائم



کئے ہیں۔ مسٹر آدتیہ ناتھ منگل کو کمبھ میلے کی اختتامی تقریب میں شامل ہوئے اور مختلف اكھاڑوں کے سنتوں اور سادھوؤں کی عزت افزائی کی۔

مسٹر آدتیہ ناتھ کے مطابق اس سال 24 کروڑ سے زیادہ لوگوں نے کمبھ کے موقع پر گنگا میں ڈبكياں لگائیں۔ کمبھ میلہ 15 جنوری کو مکر سنکرانتی کے دن سنگم پر شاہی اسنان کے ساتھ شروع ہوا تھا۔ چار مارچ کو مهاشوراتر کے دن کمبھ میں آخری ڈبكي لگائی گئی، اگرچہ اختتامی تقریب پانچ مارچ کو منعقد ہوئی تھی۔ اس بار کمبھ میلے کی خاصیت یہ رہی کہ صدر رام ناتھ كووند، وزیر اعظم نریندر مودی، 70 ممالک کے سفیروں سمیت 193 ممالک کے شہری کی یہاں آمد ہوئی۔