عثمان ساگر کی سطح میں اضافہ،پانی چھوڑے جانے کاامکان،عوام کو چوکس کردیاگیا

حیدرآباد21اکتوبر(یواین آئی)شہر حیدرآباد کے اہم ذخیرہ آب عثمان ساگر کی سطح آب میں مسلسل اضافہ کے بعد اس کے دروازے کھولتے ہوئے پانی کو کسی بھی وقت چھوڑے جانے کے امکان کے پیش نظر بنڈلہ گوڑہ اور اس کے اطراف کے علاقوں میں چوکسی اختیار کی گئی ہے اور حکام کی جانب سے عوام کو مشورہ دیا جارہا ہے کہ وہ محفوظ مقامات پر منتقل



ہوجائیں۔

اسی دوران راجند نگر ریونیو ڈیویثرنل آفیسر کے چندراکلا نے علاقہ میں رہنے والوں سے خواہش کی ہے کہ وہ چوکس رہیں کیونکہ شہر کے اس اہم ذخیرہ آب کے دروازے کبھی بھی کھولے جاسکتے ہیں۔

چندراکلا نے حکام سے خواہش کی ہے کہ وہ احتیاطی اقدام کریں اورنشیبی علاقوں اور سلم علاقوں میں رہنے والے لوگوں کو صورتحال کی حساسیت کے بارے میں واقف کروائیں۔