اٹل بھوجل یوجنا کے دوسرے مرحلے میں اڈیشہ شامل کیا جائے گا: شیخاوت

نئی دہلی ، 6 فروری ( یواین آئی) مرکزی وزیر برائے آبی وسائل گجیندر سنگھ شیخاوت نے کہا ہے کہ زیر زمین آبی وسائل کے بہتر انتظام کے لئے چھ ہزار کروڑ روپے کی لاگت سے شروع کی گئی مرکزی ’’اٹل بھوجل یوجنا ‘ کے دوسرے مرحلے میں اڈیشہ کو جلد ہی شامل کیا جائے گا ۔ آبی وسائل کے وزیر گجیندر سنگھ شیخاوت نے سنگیتا کماری سنگھ دیو کے ایک سوال کے جواب میں جمعرات کو لوک سبھا میں کہا کہ یہ اسکیم مرکزی حکومت کی طرف سے عالمی بینک کی ا



مداد سے چلائی جارہی ہے ۔ عالمی بینک 50 فیصد مالی امداد فراہم کر رہا ہے ۔ اس میں فی الحال سات ریاستوں کو شامل کیا گیا ہے ۔

انہوں نے بتایا کہ پہلے مرحلے میں یہ اسکیم گجرات، ہریانہ، کرناٹک، مدھیہ پردیش، مہاراشٹر، راجستھان اور اتر پردیش کے 78 اضلاع کے 193 بلاکوں کی 8،353 گرام پنچایتوں میں لاگو کی جائے گی۔ مسٹر شیخاوت نے بتایا کہ فی الحال اس اسکیم کا پہلا مرحلہ جاری ہے اور اگلے مرحلے میں اڈیشہ کو بھی اس میں شامل کر لیا جائے گا ۔