پٹنہ 03 اکتوبر (ایجنسی) کانگریس کے سینئرلیڈر دگ وجے سنگھ نے آج دعوی کیا کہ بہار کے وزیراعلیٰ اور جنتادل یونائٹیڈ (جے ڈی یو) کے قومی صدر نتیش کمار پھر سے قلابازی کرکے عظیم اتحاد میں ہی آئیں گے۔
مدھیہ پردیش کے سابق وزیراعلیٰ مسٹر سنگھ نے یہاں نامہ نگاروں سے بات چیت میں کہاکہ مسٹر کمار وزیراعظم نریندر مودی کا سیاسی قد گرتے ہی پھر سے واپس لوٹیں گے اور مہا گٹھ بندھن میں آئیں گے۔ قومی جمہوری اتحاد (این ڈی اے) میں مسٹر نریندر مودی ہی بڑے بھائی کے
کردار میں ہیں اور جیسے ہی ان کا سیاسی قدکم ہوگا مسٹر کمار بغیر وقت بربا د کئے پالا بدل دیں گے۔
الیکٹرانک ووٹنگ مشین (ای وی ایم) سے انتخابی عمل ختم ہوتے ہی بھارتیہ جنتا پارٹی (بی جے پی) کا وجود ختم ہوجائے گا۔ انہوں نے مہا گٹھ بندھن کے خاکہ کے سلسلے میں پوچھے جانے پر کہاکہ انتخاب کے پہلے مہا گٹھ بندھن شکل لے لے گی۔ انہوں نے کہاکہ سال 1977 میں جنتا پارٹی کا مہا گٹھ بندھن انتخاب سے کچھ ہی دن پہلے ہی بناتھا۔ اس مرتبہ مہا گٹھ بندھن کی ایک بڑی شکل مسٹر نریندر مودی اور بی جے پی صدر امت شاہ کے خلاف بنے گی جو کامیاب ہوگا۔