ارکان پارلیمنٹ کو پارلیمنٹ میں جانے سے روکنے کا واقعہ پہلی بار ہوا: کانگریس

نئی دہلی، 20 دسمبر (یو این آئی) کانگریس نے کہا کہ پارلیمنٹ کے سرمائی اجلاس میں مسائل سے توجہ ہٹانے کے لیے حکمراں پارٹی نے پارلیمنٹ کے اندر اور باہر جو ماحول بنایا ہے اور جس طرح سے ارکان کو ایوان میں جانے سے روکا گیا ہے  پارلیمانی تاریخ میں ایسا واقعہ پہلے کبھی نہیں ہوا راجیہ سبھا میں



کانگریس کے ڈپٹی لیڈر پرمود تیواری اور لوک سبھا میں پارٹی کے ڈپٹی لیڈر گورو گوگوئی نے جمعہ کو یہاں پارٹی ہیڈکوارٹر میں ایک پریس کانفرنس میں کہا کہ بی جے پی جمہوریت میں یقین نہیں رکھتی اور جس طرح کا رویہ پارٹی نے حال ہی میں پارلیمنٹ میں دکھایا ہے اس سے واضح ہوتا ہے کہ بی جے پی ایک آمرانہ جماعت ہے۔