ای پیپر
انگلش ویکلی
خصوصی
زیادہ دیکھے گئے
اوپینین پول
کیا آپ کو لگتا ہے کہ روتوراج گائیکواڑ چنئی سپر کنگز کے لیے اچھے کپتان ثابت ہوں گے؟
کیرالہ میں 3 جون کو مانسون کی دستک: محکمہ موسمیات
Tue 01 Jun 2021, 20:07:49
نئی دہلی، یکم جون (یو این آئی) ہندوستانی محکمہ موسمیات (آئی ایم ڈی) نے منگل کے روز اس بات کا اعادہ کیا کہ جنوب مغربی مانسون 3 جون کو کیرالہ میں دستک دے گا اور اس میں کوئی مزید تاخیر نہیں ہوگی۔
موسمیات کے تازہ اعداد و شمار کے مطابق جنوب مغربی ہوائیں تیز ہوگئی ہیں، جس کے نتیجے میں کیرالہ میں بارش شروع ہونے کا مکمل امکان ہے۔ جس کے پیش نظر کیرالہ میں 3 جون سے مانسون کا آغاز متوقع ہے۔
محکمہ موسمیات کے عہدیداروں نے بتایا کہ نچلی سطح کی جنوب مغربی ہواؤں کے تیز ہونے سے شمال مشرقی ریاستوں میں آئندہ پانچ دنوں کے دوران وسیع پیمانے پر بارش ہونے کا امکان
ہے، آسام اور میگھالیہ میں اگلے پانچ دنوں میں شدید بارش کے آثار ہیں۔ اگلے تین دنوں کے دوران اروناچل پردیش، ناگالینڈ، منی پور، میزورم اور تریپورہ میں بھی موسلا دھار بارش ہونے کا امکان ہے۔
ہے، آسام اور میگھالیہ میں اگلے پانچ دنوں میں شدید بارش کے آثار ہیں۔ اگلے تین دنوں کے دوران اروناچل پردیش، ناگالینڈ، منی پور، میزورم اور تریپورہ میں بھی موسلا دھار بارش ہونے کا امکان ہے۔
شمال مغربی بحیرہ ہند سے شمال مغربی ہند کے میدانی علاقوں میں نچلی سطح کی نمی پیدا ہورہی ہے اور اس کے اگلے تین چار دنوں تک جاری رہنے کا امکان ہے اور اس کے ساتھ ہی اگلے تین دنوں کے دوران مغربی ہمالیہ کے خطے اور شمال مغربی ہندوستان کے میدانی علاقوں میں الگ تھلگ مقامات پر بارش یا گرج کے ساتھ بوندیں پڑسکتی ہیں، لیکن اس سے زیادہ سے زیادہ درجہ حرارت میں کوئی خاص تبدیلی نہیں ہوگی۔
اس پوسٹ کے لئے کوئی تبصرہ نہیں ہے.
دنیا بھر سے میں زیادہ دیکھے گئے
Indian Rupee Converter