اقتدار کے حصول کیلئے کانگریس ۔ جے ایم ایم لوگوں میں خوف کا ماحول اورگمراہ کرنے کی سیاست پر گامزن:مودی

کھونٹی 03 دسمبر ( یواین آئی ) وزیراعظم نریندر مودی نے کانگریس اور جھارکھنڈ مکتی مورچہ( جے ایم ایم ) پر اقتدار پانے کیلئے خوف کا ماحول بنانے اور لوگوں کو گمراہ کرنے کا الزام عائد کرتے ہوئے آج کہاکہ ان دونوں جماعتوں کا واحد ایجنڈا جھارکھنڈ کو لوٹنا ہے  بھارتیہ جنتا پارٹی ( بی جے پی) کے سنیئر لیڈر مسٹر مودی نے یہاں برسا کالج اسٹیڈیم میں بی جے پی امیدوار کے حق میں ایک انتخابی ریلی کو خطاب کرتے ہوئے کہاکہ کانگریس اور جے ایم ایم کی تاریخ کو دھیان میں رکھتے ہوئے جھارکھنڈ کے لوگوں کو ان دونوں جماعتوں سے ہوشیار رہنے کی ضرورت ہے ۔ دونوں جماعتوں کی نظر ریاست کے وسائل پر ہے ۔ انہوں نے کہاکہ کانگریس اور جے ایم کے لیڈر جھارکھنڈ کی ترقی اور صنعت کاری کو فروغ دینا نہیں چاہتے ہیں



کیونکہ ان کا ماننا ہے کہ ترقی ہونے پر اگر لوگوں کے پاس پیسے آگئے تو ان دونوں جماعتوں کو کوئی نہیں پوچھے گا۔

وزیراعظم نے کہاکہ ” کانگریس اور جے ایم کا واحد ایجنڈا جھارکھنڈ کو لوٹنا ہے ۔ انہوں نے کہاکہ اقتدار پانے کیلئے یہ دونوں جماعتیں ریاست میں نہ صرف خوف کا ماحول بنا رہی ہیں بلکہ لوگوں کو گمراہ کرنے کی بھی کوشش کررہے ہیں۔

اسلئے میں آپ لوگوں سے کہنا چاہتا ہوں کہ ووٹنگ کے دن بڑی تعداد میں آپ اپنے حق رائے دیہی کا استعمال کر کے کانگریس اور جے ایم کے جھوٹ اور افواہ کو ہمیشہ کیلئے ختم کردیں۔ ووٹ کمل کے نشان پر بٹن دبا کر مرکز کی طرح جھارکھنڈ میں بھی پھر سے بی جے پی حکومت بنائیں۔ ایسا ہونے سے بی جے پی کی مرکز اور ریاست کی ڈبل انجن حکومت سے ریاست کی غیر متوقع ترقی ہوگی ۔