دہلی میں تین دن بازار بند رہیں گے، باقی حصوں میں اتوار کو

نئی دہلی، 20 مارچ (یو این آئی)وبا کی شکل لے چکے کرونا وائرس ’کووڈ۔19‘ کی روک تھام کےلئے تاجروں نے دہلی میں سنیچر سے تین دن تک بازار بند رکھنے کا فیصلہ کیا ہے جبکہ ملک کے باقی حصوں میں وزیراعظم کی اپیل پر اتوار کو وہ ’جنتا کرفیو‘ میں شامل ہوں گے۔

تاجروں کی اہم تنظیم آل انڈیا ٹریڈرس یونین (کیٹ) نے آج بتایا کہ دہلی کے مختلف بازاروں کے ٹریڈرس یونینوں کےلیڈروںنے کووڈ۔19 کے انفیکشن کی روک تھام



کے لئے 21 سے 23 مارچ تک بازار اور دکانیں بند رکھنے کا فیصلہ کیا ہے۔ دوا کی دکانیں اور ڈیری اور عام استعمال کی اشیا کی دکانیں حالانکہ کھلی رہیں گی۔‘‘

کیٹ نے بتایا کہ تین دن بعد صورت حال کا جائزہ لینے کے بعد ہی مزید حکمت عملی بنانے کا فیصلہ کیا جائے گا۔اس نے بتایا کہ ٹریڈ یونینوں سے جڑے سات کروڑ تاجر وزیراعظم نریندر مودی کی اپیل پر 22 مارچ کو ’جنتا کرفیو‘ میں شامل ہوں گے اور اپنی دکانیں بند رکھیں گے۔