حیدرآباد17جون(یواین آئی)کورونا وائرس کے پھیلنے کے خدشہ کے تحت فٹنس سنٹرس کو کھولنے پر پابندی کے نتیجہ میں نقصانات اور بے روزگاری کا حوالہ دیتے ہوئے دونوں جڑواں شہروں حیدرآباد وسکندرآباد کے جم کے مالکین اور ٹرینرس نے مطالبہ کیا کہ حکومت فوری طورپرریاست کے کم ازکم نان کنٹینمنٹ زونس کے
علاقوں کے جمس کو کھولنے کی اجازت دے۔
جم کے مالکین اور ٹرینرس نے کہاکہ حکومت نے چند دن پہلے شاپنگ مالس،شراب کی دکانات،ہوٹلوں،رسٹورنٹس اور عبادت گاہوں کو کھولنے کی اجازت دی ہے۔
ساتھ ہی ٹرانسپورٹیشن کی بھی اجازت دی گئی ہے تاہم جم جس سے جسم کی قوت مدافعت میں اضافہ ہوتا ہے کو ہنوز بند رکھاگیا ہے۔