کلکتہ، 12دسمبر (یواین آئی) پارلیمنٹ کے دونوں ایوان سے ’’شہریت ترمیمی بل‘‘ پاس ہونے کے بعدایک طرف جہاں آسام اور شمالی مشرقی ریاستوں میں احتجاج اور ہنگامہ آرائی کا دور چل رہا ہے وہیں ترنمول کانگریس نے اس پر حکمت عملی بنانے کیلئے 20 دسمبر کو پارٹی ممبران پارلیمنٹ اور
ممبران اسمبلی کی میٹنگ طلب کی ہے۔
ممتا بنرجی پارٹی کے سینئر لیڈران،ممبران پارلیمنٹ اور ریاستی وزراء اور ممبران اسمبلی کے ساتھ شہریت ترمیمی بل پاس ہونے کے بعد رونما ہونے والے حالات پر غور کریں گے۔
اس کے علاوہ عوام کے مزاج او ر نظریہ کو سمجھنے کی بھی کوشش کی جائے گی۔