کے ٹی آر نے بنڈی سنجے کو قانونی نوٹس بھیجا

حیدرآباد، 13 مئی (ذرائع) وزیر صنعت کے ٹی راما راؤ نے بی جے پی کے ریاستی صدر بنڈی سنجے کو قانونی نوٹس بھیج کر مطالبہ کیا ہے کہ بی جے پی لیڈر 48 گھنٹے کے اندر وزراء کے خلاف لگائے گئے کچھ بے بنیاد الزامات پر غیر مشروط معافی مانگیں۔

 نوٹس میں کہا گیا کہ اگر غیر مشروط معافی نہ



مانگی گئی تو ہتک عزت کا مقدمہ عدالت میں دائر کیا جائے گا۔

 محبوب نگر ضلع میں چہارشنبہ کو اپنی پرجا سنگراما یاترا کے دوران، بی جے پی کے ریاستی صدر نے الزام لگایا تھا کہ ریاستی حکومت کی لاپرواہی اور راما راؤ کی مبینہ بے نامی کمپنی کی غلطیوں نے انٹرمیڈیٹ کے 27 طلباء کو خودکشی کرنے پر مجبور کیا۔