کشمیر میں شبانہ درجہ حرارت میں بہتری درج ، لوگوں کو ٹھٹھرتی سردیوں سے قدرے راحت

سری نگر ، 13 جنوری (یو این آئی) وادی کشمیر میں خشک موسم کے بیچ شبانہ درجہ حرارت میں قدرے بہتری واقع ہونے سے لوگوں کو ٹھٹھرتی سردیوں سے کسی حد تک راحت نصیب ہوئی ہے۔ محکمہ موسمیات کے ترجمان کا کہنا کہ 16 اور 20 جنوری کو پہاڑی علاقوں میں کہیں کہیں ہلکی برف باری متوقع ہے۔ انہوں نے بتایا کہ گرمائی دارلحکومت سری نگر میں کم سے کم درجہ حرارت 0.2 ڈگری سینٹی گریڈ ریکارڈ کیا گیا جہاں گذشتہ



شب کا درجہ حرارت منفی 4.0 ڈگری سینٹی گریڈ ریکار ڈ ہوا تھا۔ وادی کے شہرہ آفاق سیاحتی مقام گلمرگ میں کم سے کم درجہ حرارت منفی 1.0 ڈگری سینٹی گریڈ ریکار ڈ کیا گیا جہاں گذشتہ شب کا درجہ حرارت منفی 3.2 ڈگری سینٹی گریڈ ریکار ڈ ہوا تھا۔ وادی کے دوسرے مشہور سیاحتی مقام پہلگام میں کم سے کم درجہ حرارت منفی 0.6 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی 5.3 ڈگری سینٹی گریڈ ریکار ڈ ہوا تھا۔