امیر جماعت اسلامی ہند کی حکومت ہند اور عالمی طاقتوں سے غزہ میں جاری نسل کشی روکنے کیلئے فوری مداخلت کی اپیل

نئی دہلی ، 24 جولائی (یو این آئی) جماعت اسلامی ہند (جے آئی ایچ) کے امیر سید سعادت اللہ حسینی نے غزہ میں جاری نسل کشی اور انسانی بحران کی شدید مذمت کرتے ہوئے حکومت ہند سمیت عالمی طاقتوں اور دنیا بھر کے باضمیر شہریوں سے اپیل کی ہے کہ وہ غزہ میں ہونے والے مظالم کے خلاف اٹھ کھڑے ہوں میڈیا کے لیے جاری اپنے بیان میں انہوں نے کہا کہ ساتھ ہی اسرائیل کے



مسلسل حملوں کو فوری طور پر روکنے کے لیے عملی اقدامات کریں۔ انہوں نے کہا کہ غزہ میں 21 لاکھ سے زائد فلسطینی جن میں 11 لاکھ سے زائد بچے شامل ہیں مسلسل محاصرے اور شدید بمباری کی زد میں ہیں۔ 18 مارچ 2025 کو جنگ بندی کے خاتمے کے بعد اسرائیل نے اپنی فوجی جارحیت کو مزید تیز کر دیا ہے اور بنیادی ضروریات اور امداد پر مکمل پابندی عائد کر رکھی ہے۔ غزہ کے عوام بھوک سے مر رہے ہیں۔