جے شنکر تین روزہ دورے پر آج روس روانہ ہوں گے

نئی دہلی ، 19 اگست (یو این آئی) وزیر خارجہ ڈاکٹر ایس جے شنکر آج روس کے تین روزہ سرکاری دورے پر روانہ ہوں گے وہ اپنے روسی ہم منصب کے ساتھ دو طرفہ بات چیت کے علاوہ ہند - روس بزنس فورم کی میٹنگ میں بھی شرکت کریں گے وزارت خارجہ نے منگل کو کہا کہ ڈاکٹر جے شنکر کا یہ دورہ روس کے پہلے نائب وزیر اعظم ڈینس منٹور وف کی دعوت پر ہو رہا ہے دورے کے دوران، وہ بدھ کو ہند۔



روس بین حکومتی تجارت، اقتصادی، سائنسی، تکنیکی اور ثقافتی تعاون کمیشن (آئی آر آئی جی سی ٹی ای سی) کے 26 ویں اجلاس کی مشتر کہ صدارت کریں گے ۔ وزیر خارجہ ماسکو میں ہند ۔ روس بزنس فورم سے بھی خطاب کریں گے۔

وزیر خارجہ ایس جے شنکر اپنے روسی ہم منصب سرگئی لاوروف سے بھی ملاقات کریں گے اور دوطرفہ ایجنڈے کا جائزہ لیں گے اور علاقائی اور عالمی امور پر تبادلہ خیال کریں گے۔