ایران بحران: ہندوستان تمام صورتحال کا سامنا کرنے کے لیے تیار

نئی دہلی، 08 جنوری (یو این آئی) حکومت نے ایران اور امریکہ کے درمیان فوجی کشیدگی بام پر پہنچنے کے بعد ملک کی انرجی سکیورٹی سے متعلق تشویش کے سلسلے میں آج یقین دہانی کروائی کہ ہندوستان تمام صورتحال سے نمٹنے کے لیے تیار ہے  وزیر اعظم نریندر مودی کی صدارت میں کابینی اجلاس کے فیصلوں کی اطلاعات دینے کے لیے منعقد پریس کانفرنس میں پٹرولیم اور قدرتی گیس کے مرکزی وزیر دھرمیندر پردھان نے یہ



یقین دلا دیا۔

مسٹر پردھان نے کہا کہ خلیج میں کچھ ہی گھنٹوں میں سیاسی صورتحال میں شدید اتھل پتھل ہوئی ہے۔ حکومت نے ایران پر امریکہ کے حملے کے سلسلے میں تمام پہلوؤں پر گہرائی سے غوروخوض کیا ہے۔ وزیر خارجہ ایس جے شنکر نے منگل کے روز تیل پیدا کرنے والے ممالک کے وزراء اور دیگر اہم ممالک کے وزراءسے تفصیل سے بات چیت کی ہے۔

انہوں نے کہا کہ ہندوستان ہر طرح کی صورتحال سے نمٹنے اہل ہے اور تیار ہے۔