ہندوستان کے نوجوان نوکری کے متلاشی کے بجائے نوکری فراہم کرنے والے بن رہے ہیں : لوک سبھا اسپیکر

جودھ پور / نئی دہلی ، 9 جون (یو این آئی) لوک سبھا کے اسپیکر اوم بر لانے آج کہا کہ ہندوستان اپنے نوجوانوں کی صلاحیتوں کی وجہ سے دنیا کے مسائل کو حل کر کے قیادت کی طرف بڑھ رہا ہے انڈین انسٹی ٹیوٹ آف ٹیکنالوجی (آئی آئی ٹی)، جودھپور میں ایک تقریب میں اپنے خیالات کا اظہار کرتے ہوئے، مسٹر بر لانے کہا کہ ہندوستان جدید سائنس کی دوہری طاقت اور بھر پور روحانی ورثے کا استعمال کرتے ہوئے عالمی سطح پر آگے بڑھ رہا ہے۔ انہوں نے یہ بھی کہا کہ ہندوستان کے نوجوانوں نے ملک کی



سماجی، اقتصادی اور تکنیکی ترقی میں اہم کردار ادا کیا ہے۔ انہوں نے نوجوانوں کو ملک کی ترقی کے لیے جدید ترین ٹیکنالوجی اور اختراعات کا استعمال کرنے کی ترغیب دی۔ 

مسٹر بر لانے کہا کہ ہندوستان کے نوجوان آج نوکری کے متلاشیوں کے بجائے نوکری پیدا کرنے والے بن رہے ہیں اور آئی آئی ٹی نے اس تبدیلی میں اہم کردار ادا کیا ہے۔ انہوں نے یہ بھی کہا کہ آئی آئی ٹی کے تعلیم یافتہ گریجوئیٹس نے ملک میں اسٹارٹ اپ ایکو سسٹم کو مضبوط بنانے اور اقتصادی ترقی کو فروغ دینے میں اہم کردار ادا کیا ہے۔