حیدرآباد21اپریل (یواین آئی)تلنگانہ کے وزیر انفارمیشن ٹکنالوجی کے تارک راما راو نے شہر حیدرآباد کے گچی باولی میں واقع 13منزلہ اسپورٹس ٹاور کی عمارت کو 20دن سے کم وقت میں 1500بستروں والے تلنگانہ انسٹی ٹیوٹ آف میڈیکل سائنسس(ٹی آئی ایم ایس) میں تبدیل کرنے پر ریاستی وزیرصحت ای راجندر اور ان کی ٹیم کو مبارکباد پیش
کی۔
انہوں نے اس خصوص میں کئے گئے ٹوئیٹ میں یہ مبارکباد پیش کی اور کہا کہ اس قدم کے ذریعہ کورونا وائرس سے لڑائی لڑی جاسکتی ہے۔
ساتھی ہی انہوں نے ایک اور ٹوئیٹ کرتے ہوئے کہاکہ اس انسٹی ٹیوٹ کوبعد ازاں پی جی انسٹی ٹیوشنس کی سہولت کے ساتھ ملٹی اسپیشلٹی اسپتال میں تبدیل کیاجائے گا جہاں پر طبی خدمات اور ریسرچ پر توجہ مرکوز کی جائے گی۔